2018 நிசான் மைக்ரா மற்றும் மைக்ரா ஆக்டிவ் இந்தியாவில் அறிமுகமானது. புதிய ஹேட்ச்பேக் மாடல்களில் அதிக சவுகரியமாகவும், பாதுகாப்பு அம்சங்களுடன் வெளியிடப்பட்டுள்ளது. நிசான் மைக்ரா மாடலில் டூயல் ஏர்பேக் அனைத்து வேரியன்ட்களிலும் ஸ்டேன்டர்டு அம்சமாக இருக்கிறது, எனினும் பேஸ் வேரியன்ட்-இல் ஏ.பி.எஸ். அம்சம் வழங்கப்படவில்லை.
இத்துடன் பின்புறம் பார்க்கிங் சென்சார்களுடன் கூடிய கேமராவும் வழங்கப்பட்டுள்ளது. 2018 நிசான் மைக்ரா மாடலில் 6.2 இன்ச் தொடுதிரை வசதி கொண்ட இன்ஃபோடெயின்மென்ட் சிஸ்டம் மற்றும் மிரர்லின்க் வழங்கப்பட்டுள்ளது. வடிவமைப்பை பொருத்த வரை, 2018 நிசான் மைக்ரா மாடலில் இன்டிகேட்டர்களில் ORVM சேர்க்கப்பட்டு இருப்பதை தவிர எவ்வித அப்டேட்களும் செய்யப்படவில்லை.
2018 நிசான் மைக்ரா ஆக்டிவ் மாடலில் ஆட்டோமேடிக் கிளைமேட் கன்ட்ரோல், ஆட்டோமேடிக் ஹெட்லேம்ப்கள், ரெயின்-சென்சிங் வைப்பர்கள் மற்றும் பல்வேறு அம்சங்கள் வழங்கப்பட்டுள்ளன. இத்துடன் கீலெஸ் என்ட்ரி, உயரத்தை மாற்றியமைக்கக்கூடிய ஓட்டுனர் இருக்கை, ஸ்டீரிங் மவுன்ட் செய்யப்பட்ட ஆடியோ கன்ட்ரோல்கள் வழங்கப்பட்டுள்ளன.
புதிய நிசான் மைக்ரா மாடலில் 1.2 லிட்டர் பெட்ரோல் மற்றும் 1.5 லிட்டர் டீசல் இன்ஜின் வழங்கப்பட்டுள்ளது. இதன் பெட்ரோல் இன்ஜின் 76 பி.ஹெச்.பி. பவர் மற்றும் 104 என்.எம். டார்கியூ செயல்திறனும், பெட்ரோல் மோட்டார் 63 பி.ஹெச்.பி. பவர் மற்றும் 160 என்.எம். டார்கியூ செயல்திறன் வழங்குகிறது. இவற்றின் டிரான்ஸ்மிஷன்கள் 5-ஸ்பீடு மேனுவல் அல்லது CVT கியர்பாக்ஸ் வழங்கப்படுகிறது.
2018 நிசான் மைக்ரா ஆக்டிவ் மாடலில் 1.2 லிட்டர் பெட்ரோல் இன்ஜின் வழங்கப்பட்டுள்ளது. இந்த இன்ஜின் 67 பி.ஹெச்.பி. பவர் மற்றும் 104 என்.எம். டார்கியூ செயல்திறன் மற்றும் 5-ஸ்பீடு மேனுவல் கியர்பாக்ஸ் வழங்கப்பட்டுள்ளது.
இந்தியாவில் 2018 நிசான் மைக்ரா மற்றும் மைக்ரா ஆக்டிவ் மாடல்களின் விலை முறையே ரூ.6.19 லட்சம் மற்றும் ரூ.5.03 லட்சம் முதல் துவங்குகிறது. #Nissan #micra
